Sajak-Sajak Makassar - Inakke Pasombalak (Aku Pelayar)
SANJA MANGKASARA
Syahril Rani Daeng Nassa
INAKKE PASOMBALAK
Inakke pasombalak
Akbise mattompok tamparang
Tamallili bombang
Tammaliang ri sokbok
Ri parumpakna siorok wari-waria
Attaja singarak makilona nabbiya
Inakke pasombalak
Tuli mannyombalang
Baribbasak karueng
akdolangang pangngukrangi
Narapik bangngi
Mattamparang sokna nikanakkukiya
Passibuntulanna nyawaya na rupataua
Kakdek niak kulleanna
Mattamparang ri laisikna
Belo-belo bonto nikapetaiya
Turungang kaminang bellaya
Tanirupaya bakkena
Natakrapik pangngaiya
akrurungang pangai ri nabbita Muhammad saw
Inakkemi anne pasombalak
Akliliko bombang
Tinraki timungannu
Pasaua rI kabattuanku
Nakubuntuluk kajannangang
Pallewainna tappak pakminasanku
Tajalli pangngukrangingku
Mattamparang laisikna
Pannyombalang pakdolanganku
Ammuntuli pakkapettainna
Inakke pasombalak
Tuli makdolangang
Mattamparang ri empo kalompoanna.
Rappokalling, Makassar. 14/12/22
Terjemahan:
AKU PELAYAR
Aku pelayar
mendayung meng-atasi samudera
tak menyisih ombak
tak pulang di saat hampa
pada pancaran cahaya kejora
menanti kilau cahaya kenabian
Aku pelayar
senantiasa berlayar
pagi hingga petang
mengarungi lautan ikrar
hingga malam tiba
lautan mimpi menawan kerinduan
saat perjumpaan ruh dan tubuh insan
Andai aku mampu
melayari lautan keanggunan-Nya
bias hias di pulau labuhan keridaan
labuhan nun jauh
wujud tak nampak pada kasad
cinta kasihku menggapai
beriring cinta kasih bersama Nabiullah Muhammad saw.
Aku ini pelayar
menyingkirlah ombak menggulung
singkap gerbangmu
izinkan aku tiba di haluan
mencapai ketenangan
timbangan keyakinan imanku
tajalli yang menyingkap nubuwwah
malayari lautan keanggunan hidayah
perjalanan pelayaranku
menuju mencapai keridaanNya
Akulah pelayar
Senantiasa berlayar
Melaut dibawah kemahabesaranNya.
Rappokalling, Makassar. 14/12/22